Qart qurlyqta ótip jatqan «Týr de Frans» kópkúndiginiń segizinshi kezeńinde 27 jastaǵy belgııalyq veloshabandoz Vaýt van Art aldyna jan salmady.
Nıderlandtyń Jumbo-Visma klýbynyń namysyn qorǵap júrgen van Art Fransııanyń Dol jáne Shveısarııanyń Lozanna qalalary aralyǵyn jalǵastyryp jatqan 186,3 shaqyrymdyq qashyqtyqty 4 saǵat 13 mınýt 04 sekýndta júrip ótti. Ekinshi jáne úshinshi oryndardy aýstralııalyq Maıkl Mettıýz (Team BikeExchange – Jayco) ben slovenııalyq Tadeı Pogachar (UAE Team Emirates) ıelendi. «Astananyń» serkesi Alekseı Lýsenko máre syzyǵyn 22-shi bolyp qıyp ótti.
Jalpy esepte slovenııalyq Pochagar áli de eshkimge ese jiberetin emes. Onyń ýaqyty – 28:56:16. Ekinshi oryndaǵy danııalyq Ionas Vıngegor (Jumbo-Visma) kósh basyndaǵy sportshydan nebári 39 sekýnd qalyp keledi. Úshinshi satyǵa Ýelstiń ókili Geraınt Tomas (INEOS Grenadiers) jaıǵasty. Al Lýsenko ázirge 20-oryndy qanaǵat tutýda.