Aldaǵy kúnderi Majarstanda ústel tennısinen úsh birdeı halyqaralyq týrnırdiń jalaýy jelbireıdi. Bul básekelerde bizdiń eldiń órenderi de óner kórsetedi.
Búgin WTT Star Contender týrnıriniń tusaýy kesildi. Ol jerde Qazaqstannyń eń úzdik oıynshysy, birqatar halyqaralyq jarystardyń jeńimpazy jáne júldegeri, Rıo men Tokıo Olımpıadalaryna qatysýshy, álemdik reıtıngte 27-orynda turǵan astanalyq Kırıll Gerasımenko óner kórsetýde. 18-22 shilde aralyǵynda WTT Feeder dodasynyń shymyldyǵy túriledi. Bul básekede 15 jasar qazaqtyń asa daryndy oıynshysy Alan Qurmanǵalıevke senim artylyp otyr. О́z qurdastary arasynda álemdik reıtıngte kósh bastap turǵan qandasymyz bul kúnderi ITTF tiziminde 300 satyǵa jaıǵasty.
Dál sol kúnderi WTT Champions ótedi. Júlde qory 500 myń AQSh dollaryn qurap otyrǵan dodada 25 jastaǵy Kırıll Gerasımenko kúsh synasady. Osy jarysta jerlesimiz Olımpıada chempıondary Ma Long (Qytaı) men Chen Men (Qytaı) jáne Mıma Ito (Japonııa), Dmıtrıı Ovcharov (Germanııa), Ýgo Kalderano (Brazılııa), Han Iın (Germanııa), Kvadrı Arýna (Nıgerııa), Adrıana Dıaz (Pýerto-Rıko) syndy sańlaqtarmen sheberlik baıqasady.