Memleket basshysy Qasym-Jomart Toqaev 24 tamyzda Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaý jónindegi Jarlyqqa qol qoıdy, dep habarlaıdy Egemen.kz Aqordanyń resmı saıtyna silteme jasap.
«Qazaqstan Respýblıkasy Konstıtýsııasynyń 44-babynyń 2) tarmaqshasyna, 50-babynyń 2-tarmaǵyna, «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasy Konstıtýsııalyq zańynyń 69-baby 1-tarmaǵynyń 2) tarmaqshasyna, 129-babyna jəne «Qazaqstan Respýblıkasynyń əkimshilik-aýmaqtyq qurylysynyń keıbir məseleleri týraly» Qazaqstan Respýblıkasy Prezıdentiniń 2022 jylǵy 3 mamyrdaǵy № 887 Jarlyǵyna səıkes QAÝLY ETEMIN:
1. Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaý 2022 jylǵy 24 tamyzǵa taǵaıyndalsyn.
2. Daýys berýdi ótkizý, saılaý qorytyndylaryn belgileý jəne Qazaqstan Respýblıkasy Parlamenti Senaty depýtattarynyń ókilettik merzimin aıqyndaý «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń 129-babyna səıkes júzege asyrylatyn bolyp belgilensin.
3. Qazaqstan Respýblıkasynyń Úkimeti, Abaı, Jetisý jáne Ulytaý oblystarynyń əkimderi Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaýdy uıymdastyrýshylyq, materıaldyq-tehnıkalyq jəne qarjylyq qamtamasyz etý jónindegi sharalardy qabyldasyn», delingen Memleket basshysynyń Jarlyǵynda.