Nur-Sultan qalalyq sanıtarlyq-epıdemıologııalyq baqylaý departamentiniń basshysy Sarhat Beısenova koronavırýs belgileriniń ózgermegenin aıtty, dep habarlaıdy Egemen.kz.
«Koronavırýs aǵymy ózgeriske ushyraǵan joq. Naýqastardarda jiti respıratorlyq vırýstyq ınfeksııalardaǵydaı belgiler bar. Aýrýǵa shaldyqqandardyń shamamen 70 paıyzy - ekpe alǵanyna uzaq ýaqyt bolǵan adamdar. Biraq bul adamdar belgili bir sebeptermen qaıta vaksına almaǵan. Árıne, bul ımmýndyq qorǵanystyń tómendeýine áser etip otyr», dedi Sarhat Beısenova.