Qazaqstan Prezıdenti Nursultan Nazarbaevtyń budan jıyrma jyl buryn Reseı ǵylymı qoǵamdastyǵynyń minberinen «Memleketterdiń Eýrazııalyq odaǵyn qurý týraly» jobany usynǵanyn qazaqstandyqtar umyta qoıǵan joq. Sol kezdegi tarıhı oqıǵalardyń kýálerdiń biri retinde men ekinshi ret MMÝ-degi leksııasyn zor yjdaǵatpen tyńdap, elder arasyndaǵy turpaty ózgeshe saýda-ekonomıkalyq yntymaqtastyqtyń múlde jańa strategııasynyń ózgelerge úlgi retinde usynylǵanyn erekshe shabytpen qabyldadym.
Sońǵy 20 jyl Elbasymyz belgilep bergendeı, eýrazııalyq ıntegrasııalyq damýdyń jańa kókjıekterin aıqyndap bergen belesti kezeńderge toly boldy. Osy ýaqyt ishinde Prezıdentimizdiń.alysty boljaı biletin kóregendik, suńǵylalyq saıasatkerligi taǵy bir qyrynan tanylǵanyn qalyń jurtshylyq qapysyz uqty. Biz búgingi kúni Nursultan Ábishulyn eýrazııalyq jobanyń bas arhıtektory retinde álemge tanylǵan tarıhı qaıratkeri retinde zor maqtanysh tutamyz. О́ıtkeni, bir kezderi máńgi aırylmastaı, ydyramastaı kóringen Keńes Odaǵynyń odan ári postkeńestik keńistiktiń saıası jáne ekonomıkalyq ornyqtyrýdyń ıntegrasııalyq ıdeıalaryn aıqyn batyldyqpen usynǵan EAO jobasy bólinýdiń emes, kerisinshe, birigýdiń basym qaǵıdattaryn belgilep bergenin qazir álemdik qaýymdastyq moıyndap otyr.
Elbasymyzdyń sol kezdegi batyl bastamasy búginde ómir shyndyǵyna aınalyp, ıntegrasııalyq modeldiń jańa úlgisin túzip berdi. Onyń aıqyn mysalyn Keden odaǵy jáne Biryńǵaı Ekonomıkalyq keńistik júıesinde bir-birimen tyǵyz áriptestik tyǵyz qarym-qatynasta birtutas naryq keńistiginde saýda-óndiristik úderister baǵytynda ózara túsinistik, jaýapkershiliktiń qoljetimdi úlgisin tanytyp kele jatqan úsh memlekettiń jetekshi rólinen aıqyn ańǵarýǵa bolady.
Menińshe, búgingi kúni joǵary deńgeıge kóterilgen eýrazııalyq ıntegrasııa úderisinen saıası astar izdeýdiń esh qajeti joq. Elimiz óz yrǵaǵymen damyp keledi. Onyń jarqyn úlgilerin barlyq saladan keziktirýge bolady. Elbasymyz Máskeýdiń tórinde oqylǵan leksııasynda atap ótkendeı, Eýrazııalyq ekonomıkalyq odaq qurýdyń basty maqsaty egemendikkke qol suǵylmaıtyn, erkindilik qaǵıdattaryna negizdelgen oı-pikirlerdiń úndesýimen erekshelenedi.
Káribaı Musyrman,
Qazaqstan halqy Assambleıasynyń múshesi, oblystyq máslıhattyń depýtaty.
Soltústik Qazaqstan oblysy.
Foto: www.photosuzdal.ru.