QR Ekologııa, geologııa jáne tabıǵı resýrstar mınıstrligi Sý resýrstary komıteti tóraǵasynyń orynbasary Dosbol Bekmaǵambetov sý salasynda qabyldanatyn sheshimderdiń ǵylymı negizdemesin qamtamasyz etý qajet ekenin aıtty, dep habarlaıdy Egemen.kz.
«Ol úshin Qazaq Sý sharýashylyǵy ǵylymı-zertteý ınstıtýty bazasynda Sý resýrstary jáne sý sharýashylyǵy problemalary jónindegi ǵylymı-taldaý ortalyǵy qurylady», dedi Dosbol Bekmaǵambetov.
Mınıstrlik ókiliniń aıtýynsha, atalǵan sharalardy qabyldaý elimizdiń sý salasynyń jaǵdaıyn edáýir jaqsartýǵa jáne Qazaqstannyń sý qaýipsizdigine tónetin qaýip-qaterlerge daıyndyǵyn qamtamasyz etýge múmkindik beredi.