QR Energetıka mınıstri Bolat Aqsholaqov 2030 jylǵa qaraı eldegi gaz óndirisi 6,7 mlrd tekshe metrge ulǵaıatynyn habarlady, dep jazady Egemen.kz.
«Memleket basshysynyń tapsyrmasymen jer qoınaýyn paıdalanýǵa arnalǵan jaqsartylǵan modeldik kelisimsharttar toptamasy ázirlendi. Zańnamaǵa tıisti túzetýler jyl sońyna deıin qabyldanady. Bul sharalar jıyntyq gaz qory shamamen 93,6 mlrd tekshe metr bolatyn kenishti óndiriske daıyndap, 2030 jylǵa qaraı jylyna 6,7 mlrd tekshe metr qosymsha taýarlyq gaz óndirýge múmkindik beredi», dedi Bolat Aqsholaqov.
Mınıstr suıytylǵan gazdyń bırjasyna kóshý 2023 jyldyń 1 qańtaryna aýystyrylǵanyn eske saldy.
«Bırjalarda saýda-sattyqtyń kúrt ósýine jol bermeý úshin saýda-sattyq belgilengen shekti bólshek baǵa sheginde júrgiziledi. Suıytylǵan munaı gazdyń kólikke ilespe júkqujatyna jáne satý kezinde fıskaldyq chekterdi jazýǵa qoıylatyn talaptardy zańnamalyq normalar arqyly qatańdatý usynylady. Sonymen qatar, salalyq memlekettik organ baqylaıtyn tapshy taýarlar úshin biryńǵaı taýar bırjasyn belgileýdi usynamyz», dep qosty vedomstvo basshysy.
Aıta ketsek, keshe Úkimettiń keńeıtilgen otyrysynda QR Prezıdenti Qasym-Jomart Toqaev gaz baǵasyn jasandy jolmen ustap turý gaz tapshylyǵyn týyndatýy múmkin ekenin aıtqan edi.