QR Premer-Mınıstriniń orynbasary – Syrtqy ister mınıstri Muhtar Tileýberdi «Ayana Holding» kompanııasynyń basqarma tóraǵasy Abdýlla ben Lahedjdy qabyldady, dep habarlaıdy Egemen.kz.
Syrtqy saıası vedomstvonyń málimetinshe, suhbat barysynda taraptar elordada «The Grand Mosque Residences» kópfýnksıonaldy turǵyn jáne saýda kesheniniń qurylysy jobasyn iske asyrý perspektıvalaryn talqylady.
Muhtar Tileýberdi Úkimet jobany iske asyrý jáne súıemeldeýge qajetti qolǵabys kórsetýge daıyn ekenin habarlady. Kezdesý qorytyndysy boıynsha taraptar atalǵan jobany praktıkalyq turǵyda iske asyrý kezeńine ótý boıynsha jumysty jalǵastyrýǵa ýaǵdalasty.
Birinshi kezeńniń jalpy quny - 576 mln AQSh dollary, al jobanyń jalpy quny - 2 mlrd AQSh dollary.