Prezıdent Qyrǵyz eline sapary barysynda jazýshy Muhtar Áýezovtiń Sholpan-Ata qalasyndaǵy mýzeı-úıine bardy, dep habarlaıdy Egemen.kz.
Prezıdent mýzeı-úıde Muhtar Áýezovtiń bıýstin ashty jáne qurmetti qonaqtar kitabyna qoltańba qaldyrdy.
Aıta keteıik, Muhtar Áýezovtiń Sholpan-Atadaǵy úıi 1959 jyly salynǵan. Qazaqtyń uly jazýshysy bul úıde 1959-1961 jyldary turyp, jumys istegen, sondaı-aq óziniń «О́sken órken» atty sońǵy romanyn jazýdy bastaǵan. Biraq aıaqtap úlgermedi.
1970 jyly qyrkúıekte munda Muhtar Áýezovtiń kitaphana-mýzeıiniń resmı ashylý rásimi ótti. Qazirgi ýaqytta mýzeıde jazýshynyń jeke zattary: ústel, oryndyqtar, terbelmeli kreslo, ústel saǵaty, kıim ilgish, kitap shkafy, kitaptar saqtalǵan.
Jazýshynyń qyzy Láılá Muhtarqyzynyń bastamasymen kitaphanaǵa alǵashqy 5000 dana kitap jınaldy. Qazir kitaphanadaǵy kitap qory – shamamen 12000. Kitaphana-mýzeıde semınarlar, oqý konferensııalary, kezdesýler ótkizilip turady.