Sý aıdyndarynda saqtyq sharalary kúsheıtildi

Birneshe kúnnen beri Elek ózeni men Aqtóbe, Qarǵaly sý qoıma­sy boıynda patrýldik polısııa ba­talonynyń at-kavalerııalyq bó­limshesi kezekshilik atqaryp, ruq­sat etilmegen jáne belgi­len­begen oryndarda shomylyp júr­genderge birden aıyppul salyp jatyr.

Sý aıdyndarynda baqylaý­dy kúsheıtýge qalada 19 shilde kúni keshkilik ýaqytta tórt adam­nyń sýǵa ketýi sebep boldy. Aqtóbe qalasy О́rleý aýylyndaǵy 16 jáne 18 jastaǵy aǵaıyndy jigit­ter keshkilik Elek ózenine batyp ketip, qutqarýshylar 1,8-2 metr tereńdikten olardyń de­ne­sin alyp shyqty. Sol kúni qa­la shetindegi kommýnaldyq jaǵa­jaıǵa qarama-qarsy bette, ruq­sat etilmegen orynda sho­mylǵan 19 jáne 20 jastaǵy eki qala turǵyny da sýǵa ketken. Qut­qa­rýshylar marqumdardyń denesin jaǵalaýdan 40 metr jerde, 5 metr tereńdikten tapty. 6 shil­dede Alǵa aýdany Tamdy eldi mekeniniń janyndaǵy ózen­ge ere­sektermen birge shomylyp júr­gen alty jastaǵy sábı batyp ket­­ti. Shildeniń basynda Yrǵyz aýdany Aqshı eldi mekeninde 4-5 jas­taǵy úsh baldyrǵan ere­sek­ter­­diń baqylaýynsyz aýyldan eki sha­qyrym jerdegi ózenge kelgende, aǵys olardy aǵyzyp alyp ket­ken. Qaıǵyly oqıǵalarǵa ne­gi­zinen ózen boıynda kez kelgen jerge shomylý nemese mas kú­ıin­de sýǵa túsý, balalardyń óz beti­men sý aıdyndaryna kelýi sebep bolǵan. Bıyl jaz bastalǵaly on eki adam sýǵa ketse, olardyń altaýy kámelet jasyna jetpegen. Ruqsat etilmegen jerlerde shomylyp, sýǵa kete jazdaǵan segiz adam qutqarylsa, onyń úsheýi – bala.

Aqtóbe oblysynda sýǵa túsýge ruqsat etilgen 72 oryn bekitilgen. Oblys ortalyǵynda bir akvapark, bir kommýnaldyq jáne 16 je­kemenshik jaǵajaı bar. TJD mamandary sý aıdyndaryndaǵy qaýipsizdik erejelerin saqtap, tek ruqsat etilgen oryndarǵa ǵana sýǵa túsýge keńes bergenimen, oǵan qulaq aspaıtyndar kóp. Ys­tyq kúnderdiń bastalýymen júz­degen qala turǵyndary jumys kúnderi jáne demalys kúnderi sýdan shyqpaıdy. Basy ashyq másele – belgilenbegen jáne jabdyqtalmaǵan jerlerde sýǵa shomylý, qarapaıym erejelerdi saqtamaý jazataıym oqıǵalarǵa soqtyryp jatyr. Balalar baqy­laýsyz ózen jaǵalap ketedi. Aqtó­be oblystyq TJD bas mamany Aslan Nurlanulynyń aıtýynsha, jaǵajaılardyń túgelge jýyǵy jekemenshik oryndar. Al shaǵyn jáne orta kásipkerlik nysanda­ryn tekserýge úsh jyl moratorıı­diń jarııalanýyna baılanysty TJD qyzmetkerleri jekemenshik jaǵajaılarǵa emin-erkin kire almaıdy, tek aryz-shaǵym túskende ǵana barady. Tótenshe jaǵdaılar departamentiniń arnaıy qutqarý jasaǵy bar, Elek ózeninde eki, Aqtóbe sý qoımasynda bir qutqarý beketi ornalasqanyna qaramastan, olar ózender boıyn túgel baqylaı almaıdy. Alańdatarlyq másele – TJD qutqarý jasaǵynda mamandar jetispeıdi. «Shtat boıynsha 65 birlik bolýy kerek, biraq bizde qutqarýshylar tapshy», deıdi Aslan Nurlanuly.

Shomylý maýsymynda ár­bir jaǵajaı qyzmetiniń óz qut­qarý­shylary bolady. Ereje boıynsha 75 metrlik jaǵajaıda eki qut­qarýshy kezekshilikte tur­sa, olardyń qoldarynda mindetti túrde qaıyǵy, qutqarý arqany men sheńberi bolýǵa tıis. TJD mamandary sáýir-mamyr aılarynda sýǵa shomylý maýsymynda qaýipsiz­dik erejelerin saqtaýǵa baılanys­ty ınteraktıvti dárister ótkizdi jáne mektepter basshylyǵy ata-analar chattaryna nusqaýlyq­tar jibergen edi. О́ıtkeni kópte­gen bala júzý bilmeıdi, jazǵy kanıkýl kezinde birneshe bala­nyń toptasyp, ata-ana qaraýynsyz ózen­ge barý oqıǵalary jylma-jyl qaıtalanyp keledi.

Byltyr Aqtóbe qalasynda 15 adam sýǵa ketip qaıtys boldy. О́kinishtisi onyń tórteýi – bala. Aqtóbe oblystyq PD Jergi­lik­ti po­lısııa bóliminiń bastyǵy Arda­na Saımaǵambetovtiń aıt­ýynsha, polısııa qyzmetkerleri tótenshe jaǵdaılar mamandarymen birlese jazǵy lagerlerde demalyp jatqan balalarǵa túsindirý jumystaryn júrgizdi. Qaladaǵy, Alǵa, Muǵaljar, Hromtaý, Oıyl aýdanyndaǵy lagerlerge ba­ryp, órt qaýipsizdigi men sýǵa túsýdegi saqtyq sharalaryn saqtaý jónin­de maǵlumat berildi. «Lager­ler jeke bolsa da, balalardyń qa­ýip­sizdigi úshin esh kedergi bol­maý­ǵa tıis. Biz árbir lagerdegi qyzmetkerlerdiń tizimin alyp, aspaz, kúzetshi, tárbıeshilerdiń qu­jattaryn tekserip shyqtyq», deıdi Ardana Saımaǵambetov.

Polısııa qyzmetkerleri men Tótenshe jaǵdaı departamenti mamandarynyń birlesken reıd­tik jumystaryna qaramastan, sho­mylýǵa ruqsat etilmegen jerlerde ishimdik iship, sýǵa súńgıtinder qatary azaımaı otyr.

Aqtóbe oblysy