Domınıkan respýblıkasynyń ońtústiginde jantúrshigerlik jol apaty saldarynan 4 adam qaza taýyp, 30-y jaraqat alǵan, dep habarlaıdy Egemen.kz Elnacional portalyna silteme jasap.
Basylym málimetinshe, avtobýs araldyń ońtústik jaǵalaýdaǵy Banı qalasynan shyqqan. Jol-kólik oqıǵasy Los-Kakaos, San-Krıstobal mýnısıpalıtetindegi Hermanas Mırabal kóshesinde bolǵan. Aldyn ala málimet boıynsha, avtobýstyń tejegishi isten shyqqan, sonyń saldarynan týrıster mingen avtobýs birneshe kólikke soqtyǵysqan.
Jol apaty saldarynan 4 adam qaza taýyp, 30-dan asa adam jaraqat alǵan. Zardap shekkenderdi óńirlik klınıkalyq aýrýhanaǵa jetkizgen. Týrısterdiń qaı eldiń azamattary ekeni ázirge aıtylmady.