VIII armııa halyqaralyq oıyndaryna qatysady

Saıys 3 tamyzda bastalady. Jarys ótetin jerge teńiz­shiler «Saryarqa» zymyran-artıl­lerııalyq kemesimen keledi, al «Oral» korabli rezerv­tegi keme retinde belgilenip otyr. Áskerı teńizshiler jarysta júz­beli mınany, teńiz jáne áýe nysa­na­laryn artıllerııa oǵymen atýdan saıysýmen birge, kemeniń tirshilik úshin kúresin, qutqarý quraldarymen jumys isteý daǵdylaryn jáne teńiz mashyǵyn kórsetedi. Jarystyń tártibi gıdrometeorologııalyq jaǵdaılarǵa baılanysty qury­lady.

Qazir qatysýshylar áýe jáne sýústi nysanalaryn ımıtasııa­laıtyn nysanalarǵa oq atyp, tájirıbe jınaýda. Júzýshiler qashyqtyqqa júzýdi oryndap, qutqarý quraldaryn paıdalaný tehnıkasyn pysyqtaıdy. Kemeniń myqtylyǵyn synaý úshin apattyq jaǵdaıdaǵy nusqasy ázirlenýde.  Sabaqtar basseınde, pırsterde jáne teńizde ótedi.

– Avarııalyq qutqarý qural-saımandarynyń kómegimen keme­niń myqtylyǵyn kórsetý úshin komanda ártúrli kólemdegi tesik­ti biteýge tıis. Bul tapsyrmany áskerı-teńiz bazasynyń oqý-jattyǵý kesheninde pysyqtaımyz. Sý júıeli túrde on sekýnd saıyn tesikterden jiberiledi. Oǵan kirisý komanda kapıtanynyń keme zaqymdandy degen baıandamasynan keıin jeti mınýt ishinde oryndalýǵa tıis, –  dedi komanda kapıtany 3-synypty starshına Jambyl Badbaev.

Byltyr Iranda  teńizshilerimiz saıys­tyń osy kezeńinde birinshi oryn aldy. Jalpy, Ha­lyq­­­ara­lyq armııa oıyndaryn­da qa­­zaq­stan­dyqtar jeti saıysqa qa­ty­­sady. Reseıde «Tank bıat­­lo­ny» men «Elbrýs sheń­beri», Ázer­­baı­janda «Teńiz kýbogy», Arme­nııada  «Beıbitshilik jaýyngeri» ótedi dep josparlanýda.

Qalǵan úsh saıys elimizdiń áskerı polıgondarynda ótedi. Gvardeıskide «Artıllerııadan oq atý sheberleri» mınaatqysh esep­­top­tarynyń jarysy, Býra­baı taý­ly aımaǵyndaǵy áskerı kol­ledjdiń bazasynda «Me­rı­dıan» áskerı-topografııalyq qyz­met mamandarynyń jary­sy, Spassk polıgonynda – «Tak­tıkalyq mergen» áskerı-sporttyq jarystar kesheni uıymdastyrylady.

Mańǵystaý oblysy