Bıyl jyl bastalǵaly qorǵa 204 mlrd teńge túsken. Onyń ishinde 199 mlrd teńgesi áleýmettik tólem retinde óteldi, dep habarlaıdy Egemen.kz.
«Áleýmettik saqtandyrý qory qurylǵaly (qor 2005 jyly quryldy) 4 trln teńgege jýyq qarjy tústi. Qorǵa qarjy jumys berýshilerdiń aı saıynǵy aýdarymy esebinen túsip otyr. Osy kúnge deıin joǵaryda atalǵan somanyń 2,6 trln teńgesi áleýmettik tólem retinde jumsaldy», dedi Memlekettik áleýmettik saqtandyrý qory AQ bas dırektory Nursulý Kemel ortalyq kommýnıkasııalar qyzmeti alańynda ótken baspasóz máslıhatynda.
Onyń aıtýynsha, ótken jyly elimizde 339 mlrd teńge áleýmettik tólem ótelgen.
«Degenmen byltyr bizge túsken qarjy kólemi 353 mlrd teńgeni qurady. Odan bólek, bizde aktıvter bar. Ol - baǵanaǵy aıtylǵan 4 trln teńgeden artylǵan qarjy. Biz aktıvterge tıispeımiz, ol - áleýmettik tólem alýshylarǵa bolashaqta beriletin qordaǵy aqsha. Áleýmettik tólemdi árkim ártúrli merzimde alady. Bireýge sanaýly jyl ǵana berilse, kelesi azamat zeınetke shyqqansha alýy múmkin», dedi ol.
Sondaı-aq jyl bastalǵaly qorǵa 204 mlrd teńge túskeni málim etildi. Onyń ishinde 199 mlrd teńgesi áleýmettik tólem retinde óteldi.
Odan bólek, qor basshysy búginde mindetti áleýmettik saqtandyrý júıesine shamamen 6,6 mln jumys isteıtin azamat qatysatynyn jetkizdi. Sol sııaqty elimizde 1,1 mln astam adam jyl boıy áleýmettik tólem alady.