Qazaqstandyq kondıter ónerkásibi kóshbasshylarynyń biri sanalatyn «Baıan Sulý» fabrıkasy óz qyzmetkerleriniń eńbekaqysyn 1 tamyzdan bastap 15-20 paıyzǵa kóteredi, dep habarlaıdy Egemen.kz.
Kásiporyn basshysynyń málimdeýinshe, fabrıkada eńbek etetin barlyq qyzmetkerdiń eńbekaqysy ósedi.
«Álemdegi kúrdeli ekonomıkalyq jaǵdaıǵabaılanysty mamandarymyzdy qoldaý jáne jumys pen ómir sapasyn kóterý úshin eńbek jaǵdaıyn jaqsartý biz úshin óte mańyzdy. Bizdiń maqsatymyz – qyzmetkerlerimizdiń erteńgi kúnge degen senimin arttyrýǵa úles qosý», deıdi «Baıan Sulý» AQ Prezıdenti - Basqarma tóraǵasy Tımýr Sadyqov.
Aıta ketý keteıik, «Baıan Sulý» AQ osy jyldyń sáýir aıynda qyzmetkerlerdiń eńbekaqysyn 10 paıyzǵa kótergen bolatyn. Al sońǵy úsh jyldyń ishinde kompanııa qyzmetkerlerdiń eńbekaqysyn orta eseppen 40 paıyzǵa ósirgen.
Sonymen qatar, 2021 jyly fabrıka qyzmetkerlerdi qoldaý maqsatynda ázirlengen áleýmettik baǵdarlamalardy júzege asyrýǵa 240 mıllıon teńgeden asa qarjy jumsaǵan.
«Baıan Sulý» – Qazaqstandaǵy eń iri kondıterlik fabrıkalardyń biri. Kásiporynda 300-den asa ónim óndiriledi. Qazir fabrıkada 1500-den asa adam eńbek etedi.