Premer-Mınıstrdiń orynbasary – Saýda jáne ıntegrasııa mınıstri Baqyt Sultanovtyń tóraǵalyǵymen Saýda jáne ıntegrasııa mınıstrliginiń alqa otyrysy ótti. Alqa otyrysynda vedomstvonyń I jartyjyldyqtaǵy jumysy qorytyndylanyp, aldaǵy kezeńge arnalǵan mindetter aıqyndaldy.
Vıse-mınıstr Janel Kýshýkovanyń aıtýynsha, 2022 jyldyń 5 aıynda Qazaqstannyń syrtqy saýdasynyń oń dınamıkasy baıqalady. Bıyl qańtar-mamyrda syrtqy saýda aınalymy 51,3 mlrd dollardy qurady. Eksport ótken jyldyń sáıkes kezeńimen salystyrǵanda 59%-ǵa ósip, 34,2 mlrd dollar boldy. Sondaı-aq Qazaqstannyń EAEO elderimen saýdasy oń dınamıkany kórsetýdi jalǵastyrýda.
«Qazaqstannyń EAEO boıynsha áriptesterimen taýar aınalymy 2022 jyldyń 5 aıynda 10 mlrd dollardy qurady, bul 2021 jyldyń sáıkes kezeńimen salystyrǵanda 5%-ǵa joǵary. EAEO elderiniń naryqtaryndaǵy qazaqstandyq taýarlar úshin kedergilerdi joıý boıynsha jumys jalǵasyp jatyr», dedi J.Kýshýkova.
Saýda jáne ıntegrasııa vıse-mınıstri Ásel Janasova búgingi tańda mınıstrlik 9 sıfrly jobany iske asyryp jatqanyn habarlady. Olardyń arasynda tólem júıesi bar áleýmettik ámııandy engizý de bar.
«Búgingi tańda «áleýmettik ámııan» boıynsha qanatqaqty jobany júrgizý jumystary múddeli memlekettik organdardyń, uıymdardyń jáne EDB-nyń qatysýymen jalǵasyp jatyr», dedi Á.Janasova.
Sonymen qatar B.Sultanov jyl sońyna deıin múddeli organdarmen, uıymdarmen jáne EDB-men birlesip «Áleýmettik ámııandy» engizý qajettigin atap ótti.
«Jobany iske asyrý olardy paıdalaný tıimdiliginiń monıtorıngin qamtamasyz ete otyryp, halyqty áleýmettik qoldaý qarajatyn bólýdiń sıfrly quralyn jyldam qurýdy qamtamasyz etedi», dedi B.Sultanov.
Alqa otyrysy barysynda Saýda komıtetiniń tóraǵasy Erjan Qazanbaev ta baıandama jasady. Onyń aıtýynsha, ishki taýar aınalymy ósti. Osy jyldyń qańtar-maýsym aılarynda taýar aınalymynyń kólemi 20,6 trln teńgeni qurady. Onyń ishinde bólshek saýdada 6,1 trln teńge, kóterme saýdada 14,5 trln teńge boldy.
Qazirgi ýaqytta komıtet 3 negizgi baǵyt boıynsha jumys júrgizip jatyr:
– saýda salasyn damytý máseleleri boıynsha memlekettik saıasatty jetildirý;
– saýda ınfraqurylymyn damytý;
– azyq-túlik taýarlaryna baǵalardy turaqtandyrý máseleleri boıynsha biryńǵaı memlekettik saıasatty iske asyrýdy qamtamasyz etý.
Sonymen qatar B.Sultanov Saýda komıtetiniń tóraǵasyna Aýyl sharýashylyǵy mınıstrliginiń qant salasyn damytý boıynsha keshendi jospar ázirleý jumysyna belsendi qatysýdy tapsyrdy. Ol ımportqa táýeldilikti edáýir azaıtýǵa jáne ózin-ózi qamtamasyz etýge birtindep kóshýge baǵyttalýy kerek ekenin atap ótti. Sondaı-aq múddeli ınvestorlardy tarta otyryp, KTO jelisi bar Ulttyq taýar ótkizý júıesin iske qosýdy jedeldetý qajet.
Alqa otyrysy barysynda TRMK tóraǵasy Arman Ábenov, TQQK tóraǵasynyń orynbasary Almas Ábjapparov jáne SIM apparat basshysy Jánibek Nópirov mınıstrlik qyzmetiniń máseleleri boıynsha baıandama jasady.
Saýda jáne ıntegrasııa mınıstri otyrysty qorytyndylaı kele, vıse-mınıstrler men komıtet tóraǵalaryna barlyq qabyldanǵan mindettemelerdi, onyń ishinde Memleket basshysynyń jańa tapsyrmalaryn ýaqtyly jáne sapaly oryndaýdy qamtamasyz etýdi tapsyrdy. Sondaı-aq el Úkimetiniń keńeıtilgen otyrysynda Memleket basshysynyń synyna baılanysty Saýda komıteti basshylyǵynyń jaýapkershiligin qaraý tapsyryldy.