Úndistannyń ortalyq bóligindegi Madhıa-Pradesh shtatynda jeke aýrýhanalardyń birinde órt shyǵyp, saldarynan 9 adam qaza tapty, 8-i aýyr jaraqat aldy. Bul týraly Egemen.kz Sınhýaǵa silteme jasap habarlaıdy.
«Mýmbaıdan 1094 qashyqtyqta ornalasqan Djabalpýr qalasynda úsh qabatty aýrýhana ǵımaratynda órt shyǵyp, jalyn qorshaýynda qalǵan 150 adam evakýasııalandy», dedi Djabalpýra polısııasynyń bas sýperıntendanty Akhılesh Gaýr.
Onyń aıtýynsha, izdeý jumystary aıaqtaldy. Ǵımarattyń birinshi qabaty tolyq qıraǵan. Oqıǵa ornyna órt sóndirý qyzmetiniń toǵyz qyzmetkeri jiberilgen.
О́rt elektr symdarynyń qysqa tuıyqtalýy saldarynan shyǵýy múmkin. Qaza tapqandar arasynda 4 naýqas, 3 aýrýhana qyzmetkeri, naýqasqa kútim kórsetetin 1 maman jáne jeke basy anyqtalmaǵan taǵy 1 adam bar.
Madhıa-Pradesh shtatynyń bas mınıstri Shıvradj Sıngh Choýhan qaza tapqandar otbasyna 6332 AQSh dollary kóleminde ótemaqy tólenetinin jarııalady.