Karlos III densaýlyq ınstıtýty Ispanııada aýa temperatýrasynyń shamadan tys joǵarylaýynan 2176 adam kóz jumǵanyn habarlady. Resmı málimetke sáıkes, bul - 2015 jyldan beri bolǵan ólim-jitimniń eń joǵary kórsetkishi, dep habarlaıdy Egemen.kz Euronews-ke silteme jasap.
Ispanııanyń otbasylyq jáne jalpy tájirıbelik dárigerler qoǵamynyń ókili Lorenso Armenteros adamdardyń basym kópshiligi jylý stresinen qaıtys bolyp jatqanyn aıtady.
«О́lim-jitimniń kóbine jylý stresi sebep bolǵan. Ol birden birneshe múshege keri áserin tıgizip, kóptegen músheler qyzmetiniń isten shyǵýyna jáne sonyń saldarynan ólimge ákelýi múmkin», dedi Lorenso Armenteros.
Aıta ketsek, 11-17 shilde aralyǵyndaǵy aptada Ispanııa jalpy Eýropada ólim kórsetkishi eń joǵary el boldy. Zertteýshiler buǵan sebep retinde aptap ystyq, koronavırýs indetiniń órshýi men marqumdardyń egde jasyn ataıdy. Qaıtys bolǵandardyń kópshiligi – 85 jastan asqandar.
Eldiń basym bóliginde aýa raıyna baılanysty eskertý jarııalandy. Ispanııa bıyl eki ret aptap ystyqty bastan ótkerdi, ondaǵy aýa temperatýrasy birneshe kún qatarynan Selsıı boıynsha 40 gradýstan asyp ketken.