Qyrǵyz Respýblıkasynyń Aýrýlardyń aldyn alý jáne memlekettik sanıtarlyq-epıdemıologııalyq qadaǵalaý departamenti 2 tamyzdaǵy jaǵdaı boıynsha toıhanada ýlanǵandar sany 108 adamǵa jetkenin habarlady, dep jazady Egemen.kz Kabar agenttigine silteme jasap.
Oqıǵa Batken oblysy Qadamjaı aýdanyndaǵy «Almaz» toıhanasynda bolǵan.
Aqparatqa sáıkes, tamaqtan ýlanyp qalǵan 23 adam aýrýhanaǵa jatqyzyldy, onyń ekeýi bala. О́z kezeginde 85 adam ambýlatorlyq em alýda, sonyń ishinde 1 bala bar.
«Ýlanǵandardyń jaǵdaıy qanaǵattanarlyq, buryn jansaqtaý bóliminde jatqan 2 balanyń jaǵdaıy jaqsaryp, juqpaly aýrýlar bólimine aýystyryldy», delingen habarlamada.