Balalarǵa arnalǵan oıynshyqtardy tańdaý kezindegi ata-analardyń biliktiligin anyqtaý mańyzdy. Osy rette Almaty oblysy sanıtarııalyq-epıdemıologııalyq baqylaý departamentiniń mamandary Taldyqorǵan qalasynyń turǵyndary arasynda oıynshyqtardyń qaýipsizdigine qoıylatyn talaptardy bilý boıynsha saýaldama júrgizdi.
Dúkende oıynshyqtardyń qaýipsizdigin rastaıtyn qujattardy suraısyz ba? Mamandar osy suraqty mańyzǵa aldy. Saýaldamaǵa barlyǵy 40 respondent qatysty. Onyń qorytyndysy boıynsha tutynýshylardyń 89%-y oıynshyqtardy tańbalaýǵa nazar aýdarmaıtyny belgili boldy.
«Siz oıynshyq satyp alǵanda aldymen nege nazar aýdarasyz?» degen suraqqa 72,5% turǵyn – taýar sapasyna, 26,5% – óndiris eline, 42% – baǵasyna jáne respondentterdiń tek 11%-y taýardyń tańbalanýyna nazar aýdaratynyn aıtty. Sonymen qatar respondentterdiń 73%-y baǵa – oıynshyqtardy satyp alý kezinde sheshim qabyldaýǵa áser etetin mańyzdy fakt ekenini atap ótti.
«Siz oıynshyq satyp alǵan kezde oıynshyqtyń tańbasyndaǵy aqparatty oqısyz ba?» degen suraqqa respondentterdiń tek 47%-y «Iá» dep jaýap berdi.
Sondaı-aq tutynýshylardyń 75%-y satýshylardan oıynshyqtardyń qaýipsizdik talaptaryna sáıkestigin rastaıtyn qujattardy suramaıtyny belgili boldy. Tıisinshe, suralǵandardyń 53%-y Keden odaǵynyń «Oıynshyqtardyń qaýipsizdigi týraly» tehnıkalyq reglamentin bilmeıdi.
Aıta keteıik, saýaldama júrgizilgennen keıin turǵyndarǵa oıynshyqtardy tańbalaýǵa qoıylatyn talaptardy túsindiretin paraqshalar tabys etildi. О́ıtkeni bul – balalaryńyzǵa baqytty jáne qaýipsiz balalyq shaqty qamtamasyz etetin eń qundy aqparat.
Jetisý oblysy