Parlament depýtattary Qazaqstan Prezıdenti Qasym-Jomart Toqaevtyń «Jańa Qazaqstan» qurýdaǵy bastamalaryn halyq arasynda túsindirý maqsatynda elimizdiń aımaqtaryna attanǵan bolatyn. Tómende bir top senatordyń kezdesýleri týraly aqparattardy usynyp otyrmyz.
Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń hatshysy Aqylbek Kúrishbaev jumys sapary barysynda Jetisý oblysynda boldy. Senator Jolaman kentindegi ósimdik jáne mal sharýashylyǵymen aınalysatyn «Qyzylshoqy» JShS kesheniniń qyzmetimen jáne zamanaýı sıfrlyq tehnologııalardy paıdalaný nátıjelerimen tanysty. Seriktestikte ósiriletin dándi daqyldar tuqymdyq júgeri, jazdyq arpa jáne qant qyzylshasy jańa zamanaýı sý únemdeý tehnologııasy boıynsha sýarylady. Kásiporyn sýarmaly 305 ga jerden 10 500 tonna qant qyzylshasyn óndirýdi josparlap otyr.
Aqylbek Kúrishbaev sonymen qatar sement óndiretin «Alasem» JShS kásipornynda da boldy. Jylyna 1, 2 mln tonna sement óndire alatyn zaýytty 2020 jyly Alacem Qazaqstan-Sıngapýr kompanııasy iske qosqan bolatyn.
Depýtat Saryózek jáne Shoqan eldi mekenderindegi áleýmettik ınfraqurylymdarmen, halyqty tabıǵı gazben qamtamasyz etý josparlarymen de tanysty. Ol sondaı-aq «Shoqan jáne K» aýyl sharýashylyǵy óndiristik kooperatıvinde bolyp, jergilikti fermerlermen kezdesti jáne egin jınaý jumystaryna daıyndyqty talqylady.
Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń hatshysy Qanatbek Safınov Jeke sot oryndaýshylary respýblıkalyq palatasynyń ókilderimen kezdesip, uıymnyń qyzmetimen tanysty. Senator kezdesý barysynda Memleket basshysynyń Qazaqstan halqyna Joldaýynda aıtylǵan saıası reformalar jáne atqarýshy bılik salasyndaǵy jańalyqtar týraly aıtty.
Baqytjan Jumaǵulov Aqmola oblysyna jumys sapary barysynda «Baldáýren» respýblıkalyq oqý-saýyqtyrý ortalyǵynda bolyp, balalardyń demalysyn uıymdastyrý jaǵdaıymen tanysty. Senator ortalyqtyń jumysynan habardar boldy jáne balalar demalysy, balalar men jasóspirimder arasyndaǵy qaýipsizdik pen rýhanı qundylyqtardy ilgeriletý máselelerin talqylady.
Baqytjan Jumaǵulov sondaı-aq kanıkýl kezinde pedagog-uıymdastyrýshylarmen jáne balalarǵa jaýapty adamdarmen kezdesti, balalardyń qaýipsizdigin saqtaý men quqyqtaryn qorǵaý jónindegi oılarymen bólisti. Depýtat sonymen qatar Býrabaı aýdanynyń Qotyrkól aımaǵynda ornalasqan «Edelveıs – Býrabaı» balalar saýyqtyrý ortalyǵynda da boldy.
Sapar aıasynda balalarmen jáne pedagogtermen kezdesý ótti. Depýtat balalarǵa demalysty tamasha ótkizýge, pedagogıkalyq quramǵa óskeleń urpaqty tárbıeleý isinde tabysty bolýlaryna tilektestigin bildirdi.
Baqytjan Jumaǵulov Kókshetaý qalasyndaǵy Málik Ǵabdýllın atyndaǵy Azamattyq qorǵanys akademııasynda da boldy. Senator akademııanyń materıaldyq-tehnıkalyq bazasymen, oqý jáne bilim berý baǵdarlamalarymen tanysty, mýzeıde, oqý ǵımarattarynda, zerthanalarynda boldy. Akademııanyń qyzmetkerlerimen jáne professorlyq-oqytýshylyq quramymen kezdesý barysynda senator Prezıdenttiń bastamasy boıynsha júrgizilip jatqan konstıtýsııalyq reformalar, ulttyq qundylyqtardy saqtaýdyń mańyzdylyǵy, Palatanyń zań shyǵarý jumysy jáne Parlamenttiń ótken sessııasynda qabyldanǵan zańdar týraly aıtyp, joǵary oqý ornyn odan ári damytý máselelerin talqylady.
Kezdesýge qatysýshylar sonymen qatar azamattyq qorǵanys salasyndaǵy bilim berý sapasyn arttyrýǵa jáne azamattyq qorǵanys akademııasynyń materıaldyq-tehnıkalyq jáne oqý-ádistemelik bazasyn jaqsartýǵa baǵyttalǵan birqatar usynys aıtty. Baqytjan Jumaǵulov kóterilgen máseleniń barlyǵy zań shyǵarý qyzmeti barysynda eskeriletinin jáne tıisti memlekettik organdarmen pysyqtalatynyn atap ótti.
Andreı Lýkın Nur-Sultan qalasynyń ákimdigine qarasty mekemelerde boldy. Ol «Sharapat» jáne «Jansaıa» áleýmettik qyzmet kórsetý ortalyqtarynyń, qarttarǵa, múgedektigi bar adamdarǵa jáne múmkindigi shekteýli balalarǵa arnalǵan ońaltý ortalyǵynyń, «Januıa» otbasy ınstıtýtyn qoldaý ortalyǵynyń ujymdarymen kezdesti.
Bul ortalyqtardyń maqsaty – ómirde qıyn jaǵdaıǵa tap bolǵan árbir azamatqa, otbasyna psıhologııalyq, áleýmettik jáne zańgerlik kómek kórsetý, sondaı-aq jan-jaqty qoldaý jasaý. Uıymdar sonymen qatar kópbalaly, tolyq emes jáne az qamtylǵan otbasylarǵa, múmkindigi shekteýli balalardy tárbıelep otyrǵan ata-analarǵa, egde jastaǵy adamdarǵa, belgili turǵylyqty jeri joq adamdarǵa qoldaý kórsetedi.
Depýtattar Sultanbek Mákejanov pen Nurtóre Júsip Almaty qalasyna jumys sapary barysynda Indýstrııalyq aımaqta jáne «Innovasııalyq tehnologııalar parki» arnaıy ekonomıkalyq aımaǵynda boldy. Senatorlar sapar barysynda ındýstrııalyq jáne arnaıy ekonomıkalyq aımaq aýmaqtarynda qoldanystaǵy jáne iske asyp jatqan jobalarmen tanysty, sondaı-aq «ITP» AEA damytý máselelerin talqylady.
Senatorlar sonymen qatar Palata qyzmetiniń qorytyndylary týraly aıtyp, ótken sessııa barysynda qabyldanǵan zańdardyń negizgi normalaryn egjeı-tegjeı túsindirdi. Sondaı-aq «Almaty Bıznes» qalalyq baǵdarlamasy boıynsha shaǵyn jáne orta bıznesti damytý máselelerine erekshe nazar aýdaryp, halyqtyń áleýmettik máselelerin sheshýdiń mańyzdylyǵyn atap ótti. Parlamentshiler kezdesý qorytyndysy boıynsha ındýstrııalyq aımaqta jumys isteıtin mamandardyń usynystary men ótinishteri tıisti ýákiletti organdardyń nazaryna jetkiziletinin atap ótti. Sultanbek Mákejanov pen Nurtóre Júsip sonymen qatar Hyundai Trans Kazakhstan zaýytynda da boldy.
Senatorlar Mákejanov Sultanbek pen Júsip Nurtóre Almaty qalasyna jumys sapary aıasynda «Qalqaman» metro stansasynyń qurylysymen tanysty. Olar sondaı-aq metropolıtenniń «Saryarqa» jáne «Baýyrjan Momyshuly» jańa stansalarynda boldy. Depýtattarǵa qurylys-montaj jumystarynyń barysy, qoǵamdyq jáne órt qaýipsizdigin qamtamasyz etý, qala metropolıteniniń odan ári damýy týraly aqparat aıtyldy. Búgingi tańda Almaty qalasynyń metropolıteninde 11 stansa, uzyndyǵy 13,4 shaqyrym jol, elektr poıyzdarynyń 15 quramy jumys isteıdi. Kúndelikti jolaýshylar aǵyny 40-45 myń adamdy quraıdy. Metrony batys baǵytta «Qalqaman» stansasynan «Barlyq» bazary aýdanyndaǵy stansaǵa deıin odan ári damytý kózdelip otyr, ol arada 3 stansa bar, al ýchaskeniń uzyndyǵy 5,2 shaqyrym bolady.
Senat depýtaty Baýyrjan Qanıev Aqtóbe oblysynyń Temir aýdanynda boldy. Senator Shyǵyrly jáne Qalmyqqyrylǵan eldi mekenderindegi ortalyqtandyrylǵan aýyz sý qubyry qurylysynyń barysymen tanysty. Bul qurylys jumystaryn 2022 jyldyń sońyna deıin aıaqtaý josparlanyp otyr jáne eldi mekender kópten kútken ortalyqtandyrylǵan aýyz sýmen qamtamasyz etiletin bolady. Depýtat sapar barysynda áleýmettik mekemelerge de baryp, aýdan turǵyndarymen kezdesti.