Qarjy mınıstrliginiń Memlekettik kirister komıteti ońaılatylǵan salyq deklarasııasyn tapsyrýǵa nebári 12 kún qalǵanyn eskertti.
«Bıznes sýbektilerine aǵymdaǵy jyldyń 1 jartyjyldyǵy úshin ońaılatylǵan deklarasııany (910.00 nysan) 2022 jylǵy 15 tamyzda tapsyrýdyń sońǵy merzimi aıaqtalatynyn eske salamyz», dedi komıtet ókilderi.
Jalpy, 910.00 nysanyndaǵy salyq eseptiligin ońaılatylǵan deklarasııa negizinde arnaýly salyq rejimin qoldanatyn salyq tóleýshiler usynýy qajet.
Deklarasııany usyný tásilderi:
«Salyq tóleýshiniń kabıneti» veb-qosymshasy (cabinet.salyk.kz);
– SOО́J aqparattyq júıesi (baǵdarlamany MKK saıtynan tegin júktep alýǵa bolady);
– qaǵaz túrinde;
– Halyk Bank mobıldi qosymshasynyń 2022 jylǵy 1 tamyzdan bastap ońaılatylǵan salyq deklarasııasyn usynýǵa arnalǵan jańa servısi.
Bul rette eseptilik tapsyrýdyń sońǵy kúnderinde aqparattyq júıe men baılanys arnalaryna júktemeniń artýyn boldyrmaý maqsatynda salyq eseptiligin aldyn ala usynýǵa keńes beremiz. Odan bólek, deklarasııa usyný merzimderin uzartýǵa bolatynyn eske salamyz.
Jalpy, 2022 jylǵy 1 shildedegi jaǵdaı boıynsha ońaılatylǵan deklarasııa negizinde arnaýly salyq rejimin qoldanatyn salyq tóleýshiler sany - 1 187 554, onyń ishinde dara kásipkerler – 1 047 586, zańdy tulǵalar 139 968.