Petropavl qalasynyń ákimi bolyp Rýslan Anbaev taǵaıyndaldy, dep habarlaıdy Egemen.kz.
Búgin Petropavl qalasynyń jańa ákiminiń kandıdatýrasyn qalalyq máslıhattyń 7 shaqyrylymy depýtattarynyń kezekten tys 16 sessııasynda Soltústik Qazaqstan oblysynyń ákimi Qumar Aqsaqalov usyndy. Depýtattar Rýslan Anbaevtyń kandıdatýrasyn bir aýyzdan qoldap daýys berdi. Rýslan Anbaev óz kezeginde óńir basshysyna jáne depýtattarǵa kórsetilip otyrǵan senimge alǵysyn bildirdi.
Rýslan Anbaev 1978 jyly SQO Tımırıazev aýdany Selınnoe eldi mekeninde dúnıege kelgen. M.Qozybaev atyndaǵy Soltústik Qazaqstan memlekettik ýnıversıtetin támamdaǵan. Mamandyǵy - ekonomıst-menejer, agronom jáne ıýrısprýdensııa bakalavry. Eńbek jolyn 1999 jyly Tımırıazev aýdanynda aýdıt bóliminiń aǵa salyq ınspektory bolyp bastaǵan.
2002-2015 jyldar aralyǵynda Esil, Taıynsha, Tımırıazev aýdandarynda salyq qyzmetinde túrli laýazymdardy atqardy. 2015 jyldan 2019 jylǵa deıin SQO ákimi aparaty jetekshisiniń orynbasary boldy. 2019-2020 jyldary Mamlıýt aýdanyn basqarsa, 2020 jylǵy qazan aıynan osy kúnge deıin Taıynsha aýdanynyń ákimi boldy.