Elordada Jekebatyr kóshesinde Kosmonavtar kóshesinen Atasý kóshesine deıingi aralyq jóndeý jumystaryna baılanysty ýaqytsha jabylady, dep habarlaıdy Egemen.kz elorda ákimdiginiń resmı saıtyna silteme jasap.
Nur-Sultan qalasynyń Kólik jáne jol-kólik ınfraqurylymyn damytý basqarmasy jol qozǵalysy qaýipsizdigin qamtamasyz etý maqsatynda Nur-Sultan qalasy PD ákimshilik polısııa basqarmasynyń kelisimi boıynsha Jekebatyr kóshesindegi jol tósemin jóndeýdiń bastalǵanyn málim etti.
Osyǵan baılanysty 6-12 tamyz aralyǵynda Kosmonavtar kóshesinen Atasý kóshesine deıingi ýchaskede kólik qozǵalysy ishinara jabylatyn bolady.
«Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim ótinemiz jáne jóndeý jumystarynyń júrgizilýine túsinistikpen qaraýdy suraımyz», delingen habarlamada.