Jol sapasy týraly aıtyla bastasa zar ıleımiz. Elimizde jalpy uzyndyǵy 96 myń shaqyrym bolatyn avtojol bar. Sonyń 24 myńy – respýblıkalyq, 71 myńy jergilikti mańyzǵa ıe. Biraq qaı óńirdiń joly týraly aıtsań da qolyńa iliner ilik kóp. О́ńirler arasyn jalǵaıtyn joldardy bylaı qoıǵanda, alaqandaı qala ishindegi joldardyń ózi jyl saıyn súrilip, jyl saıyn tóselip jatady. Eger kólik bólshekteri bazarynda seńdeı soǵylysyp bólshek izdegen júrgizýshilerdi kórseńiz, onda onyń kóliginiń buzylý sebebinde Qazaqstan joldarynyń úlesi asa mol dep bilgeısiz.
Bizdiń shendilerde Prezıdent aıtpasa qozǵala qoımaıtyn jaman bir ádet bar. Eger áldebir problemaǵa Memleket basshysy nazar aýdarmasa, demek ol problemaǵa bizdiń de nazar aýdarýymyz qajetsiz dep uǵynatyn sııaqty...
Úkimettiń keńeıtilgen otyrysynda Qasym-Jomart Toqaev «Jol sapasy múlde syn kótermeıdi. Úkimetke «QazAvtoJol» men «Qazaqavtodordy» biriktirip, biryńǵaı avtojol kompanııasyn qurýdy tapsyramyn. Nátıjesinde, qyzmetker sany da qysqarady», degen edi.
Indýstrııa jáne ınfraqurylymdyq damý mınıstrliginiń habarlaýynsha, jol qurylysynyń sapasyn jaqsartý úshin mınıstrlik júıeli sharalar men jańa tásilderdi ázirlep jatyr. Eń birinshi kezekte, kepildik merziminde aqaýlar paıda bolǵan jaǵdaıda tehnıkalyq, avtorlyq qadaǵalaý jáne tapsyrys berýshiniń jaýapkershiligin kúsheıtý kózdeledi. Odan soń álemniń 100-den astam elinde qoldanylatyn FIDIK elementterin (merdiger, tapsyrys berýshi jáne ınjener arasyndaǵy ózara qarym-qatynas) engizý arqyly tolyq aıaqtalǵan shema boıynsha EPC kelisimsharttaryn engizý (jobalaý, paıdalaný jáne qurylys) josparlanǵan.
Úshinshi mindet – jańa tehnologııalardy engizý jáne kadrlardy daıarlaý.
«Budan basqa, sapany qamtamasyz etý jáne jergilikti atqarýshy organdarǵa qarjylyq táýeldilikti joıý úshin «Kólik týraly» zań jobasynyń sheńberinde biryńǵaı shartqa qol qoıý tetigi ýákiletti organmen jáne Sapa ortalyǵymen pysyqtalatyn bolady. Bul shartqa qaramastan ákimdikterdiń atyna eskertýler berýge jáne olardyń mindetti túrde oryndalýyn talap etýge múmkindik beredi. Bıyl jergilikti joldardyń sapasyna baqylaý júrgizý barysynda 9 myńǵa jýyq synama alyndy, olardyń 2,5 myń synamasy nemese 28%-y talaptarǵa sáıkes kelmeıdi», delingen mınıstrlik habarlamasynda.
Eskertýlerge qaramastan, tapsyrys berýshiler obektilerdi qabyldap jibergen. Munyń sońy keı óńirde qylmystyq istiń qozǵalýyna (Aqtóbe oblysynda, Shymkentte) ákelip soqtyryp jatyr.
«Sonymen qatar qarjylandyrýdy tepe-teń bólý máselesi ózekti bolyp otyr. Mindettemelerge qaramastan jekelegen oblystar bul talaptardy saqtamaıdy (Batys Qazaqstan, Soltústik Qazaqstan, Qostanaı, Pavlodar oblystary). Mysaly, Memleket basshysynyń tapsyrmasyna qaramastan, Batys Qazaqstan oblysynda jergilikti joldardy damytý qarqyny tómen. О́tken jyldyń qorytyndysy boıynsha respýblıkanyń ortasha kórsetkishi 80% bola tura óńirdegi joldardyń normatıvtik jaı-kúıi 39%-dy qurady», deıdi vedomstvo.