Elordadaǵy Ulttyq Akademııalyq Kitaphanada zańǵar jazýshy Muhtar Áýezovtiń 125 jyldyǵyna oraı túrik tiline aýdarylǵan akademık Zeınolla Qabdolovtyń «Meniń Áýezovim» roman-essesiniń tusaýkeseri ótti, dep habarlaıdy Egemen.kz.
Tusaýkeserge Mádenıet jáne sport mınıstri Daýren Abaev, Halyqaralyq TÚRKSOI uıymynyń Bas hatshysy Sýltan Raev, Memleket jáne qoǵam qaıratkeri Murat Áýezov, sondaı-aq, Zeınolla Qabdolovtyń urpaqtary, Prezıdenttiń keńesshisi Baýyrjan Omaruly jáne basqa da zııaly qaýym ókilderi men belgili ǵalymdar qatysty.
Sondaı-aq TÚRKSOI uıymynyń Bas hatshysy, belgili qalamger-dramatýrg Sultan Raev Túrki álemine sińirgen qyzmeti úshin Túrki akademııasynyń Naýaı atyndaǵy altyn medalmen marapattaldy.