Aýmaqtyq organdarǵa arnalǵan semınar-keńes

Úsh kúndik jumys sessııalary barysynda negizgi spıkerler retinde Ortsaılaýkom tóraǵasy Nurlan Ábdirov, tóraǵanyń oryn­basary Konstantın Petrov, son­daı-aq OSK músheleri Sábı­la Mustafına, Anastasııa Shegor­sova, Asylbek Smaǵulov jáne Shavhat О́temisov sóz sóıledi.

Semınar-keńestiń birin­shi kúni respýblıkalyq refe­ren­dým naýqanynyń qory­tyn­­dylaryna arnaldy. Re­fe­rendýmǵa daıyndyq jónindegi ko­mıssııalardyń atqarǵan ju­mystary, daýys berý kúnin

uı­ym­­dastyrý, onyń ishinde mú­ge­dek adamdarǵa jaǵdaı jasaý má­seleleri talqylandy. Sondaı-aq aqparattyq, qarjylyq qam­tamasyz etýge, referendýmǵa qaty­sýshylardy oqytý qo­rytyndylaryna, jeke jáne zańdy tulǵalardyń ótinishterin, sondaı-aq sot aktilerin qaraýǵa taldaý júrgizildi. Aýmaqtyq saılaý komıssııalarynyń ókil­deri referendýmǵa daıyndyq jáne ony ótkizý kezeńindegi túr­li qyzmet baǵyttary boıyn­sha jumys tájirıbelerimen bó­listi. Semınardyń birinshi blo­gynyń qorytyndylary boıynsha belsendi pikir almasý boldy jáne referendým naýqanynyń qorytyndylaryn eskere otyryp, aýmaqtyq saılaýkomdarǵa saılaý komıssııalarynyń odan ári júıeli jumysy jóninde birqatar tapsyrma berildi.

Ekinshi kúni semınarǵa qaty­sýshylarǵa Prezıdent Qasym-Jomart Toqaevtyń Qazaqstan halqyna Joldaýyn iske asyrý aıasynda Úkimet usynǵan saı­laý zańnamasyna ózgerister men tolyqtyrýlar jobasy usynyldy. OSK músheleri aýmaq­tyq saılaý komıssııalarymen Májilis jáne máslıhattar depýtattaryn saılaý kezinde aralas saılaý júıesin engizýge, ákimderdi saılaý tájirıbesin damytýǵa, áleýmettik jelilerdegi úgit-nasıhatty quqyqtyq retteý­ge, ulttyq baıqaýshylardyń qyzmetine, saılaýdy memlekettik emes qarjylandyrýǵa jáne saılaý prosesin jańǵyrtý jónindegi ózge de baǵyttarǵa baılanysty zańnama jańalyqtaryn egjeı-tegjeıli túsindirdi. Sonymen qatar Ákimshilik rásimdik-pro­sessýaldyq negizder men saılaý daýlaryn qaraý tár­tibi tal­qylandy. Talqylaý qory­tyndysy boıynsha aýmaqtyq saılaý komıssııalaryna saılaý zańnamasy men quqyq qoldaný praktıkasyn odan ári jetildirý boıynsha usynystar men usy­nymdar berý tapsyryldy.

Úshinshi kúni aýmaqtyq saılaý komıssııalarynyń quramyn kásibılendirý taqyryby talqy­landy. Qazaqstan Prezıdenti janyndaǵy Memlekettik basqarý akademııasynyń elektoraldy oqytý ortalyǵynyń dırektory Janar Buqanova ortalyq bazasynda saılaý prosesine qaty­sýshylardy daıarlaý jáne oqytý boıynsha aldaǵy jumys josparlarymen bólisti.

Semınar sońynda Ortalyq saılaý komıssııasynyń tór­aǵasy Nurlan Ábdirov úlken jumys atqarylǵanyn, Respýb­lı­kalyq referendýmnyń qory­tyndylary shyǵarylǵanyn, negizgi mindetter túsindirilgenin jáne elimizde júrgizilip jatqan Konstıtýsııalyq-saıası reformalardy iske asyrý boıynsha odan ári qadamdar belgilengenin, sondaı-aq birqatar naqty tapsyrma berilgenin atap ótti.