«Jasyl damý» AQ «О́ndirýshilerdiń keńeıtilgen mindettemeleri» operatory JShS-nyń rastalǵan mindettemeleri boıynsha «EcoQolday» jobasynyń qatysýshylaryna tólem júrgizýdi bastady. Oryndaǵan mindettemelerin rastaıtyn qujattaryn ýaqtyly usynǵan 26 kompanııaǵa búginde 105 mıllıon teńgeden astam qarjy tólendi.
Esterińizge sala keteıik, avtokomponentter men qaptama qaldyqtaryn jınap, kádege jaratý boıynsha «EcoQolday» jobasyna qatysqan kásiporyndardyń rastalǵan mindettemeleri oryndalatyny týraly habarlanǵan bolatyn. «О́ndirýshilerdiń keńeıtilgen mindettemeleri» operatorymen jasalǵan burynǵy sharttar sheńberinde mindettemelerin oryndaǵan, kórsetilgen qyzmetterdi qujat júzinde rastaǵan kontragentterge 2021 jyldyń tórt toqsany úshin tólem júrgiziledi.
Tólemderdi alý úshin «О́ndirýshilerdiń keńeıtilgen mindettemeleri» operatory JShS-men jasalǵan sharttyń quqyqtar men mindettemelerin kásiporyndar «Jasyl damý» AQ-ǵa berý jóninde jazbasha kelisim men negizdemelik shartqa qosymsha úshjaqty kelisim jáne 2022 jylǵy sáýirdiń 30 deıingi salystyrý aktilerin usynýy qajet.