10 tamyzǵa qaraǵan túni Qashaǵan ken ornynda munaı óndirýdi kezeń-kezeńimen qalpyna keltirý bastaldy. Bul týraly Soltústik Kaspıı jobasynyń operatory NCOC (North Caspian Operating Company) baspasóz qyzmeti habarlady, dep habarlaıdy Egemen.kz.
Teńiz jáne jer ústi keshenderinde ruqsattarǵa sáıkes belgili bir ýaqytqa deıin gaz jaǵý shekteletini aıtylǵan.
«Gazdy jaǵý Qashaǵan ken ornyn ıgerýdi qamtıtyn osyndaı kúrdeli óndiristik operasııalardy qaıta bastaýdyń standartty prosesi sanalady jáne shekteýli ýaqyt ishinde úzilispen júrgiziledi», dedi kompanııa ókilderi.
Eske sala keteıik, 5 tamyzda Qashaǵanda munaı óndirý gazdyń shyǵý belgilerine baılanysty toqtatylǵany habarlanǵan bolatyn.