Ǵalymdar Reseıde koronavırýstyń jańa túrin anyqtady. Ol «omıkron» jáne «delta» shtamdarynan turady, dep habarlaıdy Egemen.kz VAK-tyń Telegram kanalyna silteme jasap.
Amerıkalyq genetık ǵalym atap ótkendeı, «orys deltakrony» degen resmı emes ataýǵa ıe bolǵan jańa shtamnyń qaýiptiligin anyqtaý kerek.
Mamannyń aıtýynsha, «deltanyń» tolyǵymen derlik joıylyp ketýine baılanysty «omıkron» jáne «delta» genomdarynyń fragmentteri bar gıbrıdti vırýstar sırek kezdesedi.
«Dál osyndaı erekshe vırýstar Sankt-Peterbýrgte genomdyq derekterdiń sońǵy júktemelerinen tabyldy», dep atap ótti ǵalym.
Olardyń alǵashqysy shilde aıynyń basynda bazalarda paıda boldy jáne oǵan azdap senimsizdik boldy. Biraq shilde aıynyń sońynda Smorodınsev atyndaǵy Tumaý ınstıtýtynyń zertteýshileri osyndaı genomdardy odan da kóp tapty. Olar barlyǵyn qaıta tekserip, senimdi qorytyndyǵa keldi: bul qate emes, shynymen gıbrıdti vırýs.
Vırýs Reseıde paıda boldy degen boljam bar, óıtkeni basqa elderde kovıdtiń bul nusqasy áli anyqtalǵan joq.