Kaırdiń batysynda ornalasqan Gıza qalasynda shirkeýden shyqqan órt 41 adamnyń ómirin qıdy, dep habarlaıdy Egemen.kz.
Mysyr densaýlyq saqtaý mınıstrliginiń málimetinshe, Ábý Seıfen shirkeýinde órt shyǵyp, zardap shekken 12 adam aýrýhanaǵa jetkizilgen.
Oqıǵa ornyna 37 órt sóndirý kóligi jóneltildi. Tergeýdiń aldyn ala qorytyndysy boıynsha órt shirkeý ǵımaratynyń ekinshi qabatyndaǵy aýany baptaý júıesindegi aqaýdan shyqqany habarlandy. О́rt dinı sherý kezinde shyqqan.
Mysyr prezıdenti Abdelfattah As-Sısı Gızadaǵy Ál-Mýnır shirkeýindegi órtten keıingi jaǵdaıdy jeke baqylap otyrǵanyn aıtty.
Memleket basshysy barlyq tıisti memlekettik mekemeler men uıymdarǵa qajetti sharalardy qabyldaýdy tapsyrǵanyn atap ótti. Abdelfattah As-Sısı oqıǵanyń sebepterin tez arada joıýdy jáne zardap shekkenderge qajetti medısınalyq qyzmet kórsetýdi buıyrǵanyn aıtty.
As-Sısı telefon arqyly Kopt pravoslavıe shirkeýiniń basshysy Tavadros II-ge kóńil aıtty.