Jarty jyl ishinde el aýmaǵynda 4,5 tonnadan astam túrli esirtki zattary tárkilendi. Bul týraly QR IIM esirtki qylmysyna qarsy is-qımyl departamentiniń ókili Danııar Oralov aıtty, dep habarlaıdy Egemen.kz.
El aýmaǵynda 4,5 tonnadan astam túrli esirtki zattary tárkilendi. Onyń ishinde 2,2 tonna marıhýana, 400 keliden astam gashısh jáne 87 keli sıntetıkalyq esirtki bar.
«Jyl basynan beri esirtki zattaryn zańsyz jarnamalaý nemese nasıhattaý boıynsha 76 sotqa deıingi is tirkelgen. Olardy ınternet arqyly ótkizý boıynsha 153 qylmystyq is tirkelip otyr. Áleýmettik jelilerge júrgizilgen monıtorıng barysynda esirtkimen psıhotroptyq zattardyń taralýyna qatysy bar 1600-den astam veb-saıttar, akkaýnttar jáne basqa resýrstar anyqtalyp, buǵattaldy», dedi Danııar Oralov.