Qaraǵandy oblysy boıynsha QMA departamenti «QTJ» AQ fılıaly qyzmetkerlerine qatysty dızel otyn urlaý shemasyn ashty, dep habarlaıdy Egemen.kz vedomstvonyń baspasóz qyzmetine silteme jasap.
«QMA Qaraǵandy oblysy boıynsha departamenti О́. Elýbaıulyna qatysty sotaldy tergeýdi aıaqtady. Ol 2021-2022 jyldary lokomotıv deposynyń mashınısterinen dızel otynyn satyp alyp, Jańaarqa aýdany jáne Jańaarqa kentinde ótkizý úshin sertıfıkattalmaǵan eki sısternada saqtaǵan. Tekserý barysynda jer asty sısternalarynan jalpy quny 3,5 mıllıon teńgeden asatyn qujaty joq 15 tonnadan asa dızel otyny tabyldy», delingen habarlamada.
Vedomstvo málimetinshe, tergeý barysynda "QTJ" AQ fılıaly qyzmetkerlerine qatysty dızel otynyn urlaý shemasy anyqtalǵan.
«Urlyqqa qatysy bar 9 qyzmetker jumystan bosatyldy. Sot úkimi boıynsha Elýbaıuly kináli dep tanylyp, bir jarym jylǵa bas bostandyǵyn shekteý jazasyna kesildi», delingen habarlamada.