Aljırdiń soltústik-shyǵysyndaǵy El-Tarf jáne Setıf qalalarynda jalǵasyp jatqan orman órtteri saldarynan 26 adam qaza tapty, dep habarlaıdy Egemen.kz.
Aljır Ishki ister mınıstri Kamal Beldjýd memlekettik telearnada Týnıspen shekaralas El-Tarf qalasynda 24 adam, Setıf qalasynda taǵy eki adam qaza tapqanyn aıtty.
Ishki ister mınıstrliginiń basshysy sońǵy kúnderi eldegi aýa temperatýrasynyń 47 gradýstan asqanyn atap ótti.
Onyń aıtýynsha, tamyz aıynyń basynan beri Aljırdiń kóptegen qalasynda 106 orman órti tirkelgen. Orman órtteri 2400 gektar aımaqty sharpyǵan.
Jergilikti aqparat quraldary Sýk Ahras qalasyndaǵy eldi mekenderden 350-den astam adamnyń evakýasııalanǵanyn habarlady.