Batys Qazaqstan oblysynda kúshti jel aýdandyq sot ǵımaratynyń shatyryn ushyryp túsirdi, dep habarlaıdy Egemen.kz.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 11.30-da Jánibek aýdany ortalyǵy Jánibek aýylynda boldy.
«Ekpini sekýndyna 19 metrge deıin jetken jeldiń saldarynan qos qabatty aýdandyq sot ǵımaratynyń 200 sharshy metr shatyry sypyrylyp tústi. 1975 jyly salynǵan ǵımarattyń jalpy aýdany - 200 sharshy metr. Zardap shekkender joq», dep habarlady vedomstvodan.