Túrkistan oblysy qorǵanys isteri jónindegi departamentinde, kúzgi shaqyrý naýqany 2022 jyldyń 1 qyrkúıeginen bastaý almaq.
Bul shara Qazaqstan Respýblıkasynyń Prezıdenti «Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn merzimdi áskerı qyzmetke kezekti shaqyrý týraly» Jarlyǵyna sáıkes júrgiziledi.
Osyǵan oraı shaqyrýdyń negizgi tapsyrmasy áskerlerdi deni saý jáne moraldy daıarlanǵan jastarmen jasaqtaý bolyp tabylady.
Aǵymdaǵy jyldyń kúzinde Túrkistan oblysynan 2 myńnan astam áskerge shaqyrylýshylardy áskerge jiberý josparlanǵan.
Áskerge shaqyrylýshylardy irikteýdiń aıqyndyǵy úshin, shaqyrý komıssııasy quramyna ishki ister, ulttyq qaýipsizdik, qoǵamdyq uıymdar ókilderi, Qarýly Kúshter, jergilikti soǵys ardagerleri jáne din júıesiniń ókilderi kiredi. Atalǵan komıssııanyń qabyldanǵan sheshiminiń negizinde bizdiń jastar áskerge joldanady.
Aıta ketsek, shaqyrý kezinde azamattar áskerı qyzmetke shaqyrýdan keıinge qaldyrýǵa jáne bosatýǵa quqyqtary bar. Merzimin keıinge qaldyrý kelesi negizder boıynsha beriledi:
1) otbasy jaǵdaıy boıynsha;
2) bilimin jalǵastyrý úshin;
3) densaýlyq jaǵdaıy boıynsha;
Mańyzy az emes jańalyqtyń biri merzimin keıinge qaldyrýǵa quqyǵy bar áskerge shaqyrylýshylardyń sanattary keńeıtildi. Atap aıtqanda merzimin keıinge qaldyrý endi qosymsha beriledi:
- oqytýshylarǵa jumysynyń barlyq kezeńine;
- quqyq qorǵaý organdarynyń bilim berý uıymdarynda alǵashqy daıyndyqtan ótip júrgen tulǵalarǵa.
Ár ásker túrlerinde belgili bir talaptar bar, sol talaptar boıynsha áskerge shaqyrylýshy qandaı áskerı bólimderde qyzmet ótkeretini belgilenedi. Mysalyǵa: Qorǵanys mınıstrligi Ulttyq ýnıversıtetiniń áskerı-ǵylymı vzvodyn jasaqtaý úshin IT-mamandyqtary, sonadaı-aq áskerge shaqyrylýshynyń densaýlyq jaǵdaıy mańyzdy, al desanttyq áskerleri jáne arnaıy taǵaıyndalǵan áskerler úshin boıynyń parametrleri 170 sm tómen emes sııaqty áskerge shaqyrylýshynyń dene bitimderi mańyzdy, sportshylarǵa taldaý beriledi.
Alaıda osymen birge Qarýly Kúshteri mýzykanttarǵa, aspazshylarǵa, júrgizýshilerge, baılanysshylarǵa jáne kóptegen basqa mamandyqtarǵa muqtaj.
Qarýly Kúshteri qataryna áskerge shaqyrylǵandardyń belgili bir bóligi 6 aı ishinde mynadaı áskerı mamandyqtar boıynsha oqýdy ótedi: BTR, BMP, tank mehnık-júrgizýshisi, artıllerııalyq jáne mınoatqysh qarýlarynyń komandırleri jáne kózdeýshileri, ınjenerlik qamtamasyz etý mamandyqtary, Qarýly Kúshteri oqý ortalyqtarynda baılanys mamandary.
Oqý aıaqtalysymen olar kishi mamandar retinde áskerı bólimderge joldanatyn bolady.
Áskerde azamattar tártipke, jaýapkershilikke, ózdigine úırenedi jáne dene kúshi men shydamdylyǵyn tárbıeleıdi. Qyzmet barysynda olar toppen jumys jasaǵandy, oqý-jattyǵýlardaǵy qıyn-qystaý jaǵdaılarda tapsyrmalardy oryndaýǵa, tez oılanýǵa jáne sheshim qabyldaýǵa úırenedi, olar áskerı qarý-jaraqty qoldanýda, kúrdeli áskerı tehnıkany paıdalýda tehnıkalyq daǵdylarǵa ıe bolady.
Qorǵanys mınıstrliginiń basshylyǵy áskerı qyzmettiń qaýipsizdigine úlken nazar aýdarady. Udaıy negizde Áskerı prokýratýramen, sondaı-aq áskerı polısııa organdarymen birlese otyryp áskerı ujymda salaýatty ortany ornatý úshin júıeli jumys júrgizýde.
Áskerı bólimniń ár bólmesinde beıne baqylaý júrgizilgen. Ár áskerı bólimde garnızon prokýrorynyń jáne Áskerı polısııa jasaǵy bastyǵynyń senim jáshikteri ornalasqan, hat-habarlar problemalyq máseleler boıynsha tezdetip sheshimder qabyldaý úshin mekenjaılarǵa túsedi.
Kazarmanyń ár jaıǵasý oryndarynda, shtabta, ashanada, BО́P, klýbta barlyq deńgeıdegi basshylyq quramnyń, sonyń ishinde qyzmettik telefonnan qońyraý shalý úshin qol jetimdi senim telefondary týraly aqparat ornalastyrylǵan. Áskerı qyzmetshilerdiń qyzmettik árekettegi problemalary týraly ár ýaqytta olarǵa qońyraý shalýǵa nemese SMS-habarlama joldaýǵa múmkindikteri bar. Ár kelip túsken sıgnal boıynsha problemalyq máselelerdi tekserý jáne joıý boıynsha, sondaı-aq osyndaı oqıǵalardy aldaǵy ýaqytta boldyrmaý úshin aldyn alý boıynsha qajetti jumys júrgiziledi.
Túrkistan oblysy
qorǵanys isteri jónindegi
departament bastyǵy, polkovnık
Nurmahanbet DIýSEBAEV