Kókshetaýdyń 20 jastaǵy turǵyny jumys ornynda aıaǵynan aıyryldy. Qazir memlekettik eńbek ınspektory tekserý júrgizip jatyr, tıisti sot-medısınalyq saraptama da taǵaıyndaldy, dep habarlaıdy Egemen.kz.
Bul faktini óńirlik polısııa rastady. Qazir eńbekti qorǵaý erejelerin buzý faktisi boıynsha sotqa deıingi tergeý júrgizilýde.
Jergilikti polısııaǵa habar 20 tamyzda tústi. Oblystyq aýrýhananyń qabyldaý bólimine 20 jastaǵy qala turǵyny «sol jaq sıraqtyń úshten bir bóliginde travmatıkalyq ampýtasııa, sol jaq sıraqtyń úshten bir bóliginde jumsaq tinderdiń aqaýy bar jaraqat» dıagnozymen jetkizildi.
Jedel-tergeý toby zardap shegýshiniń kásiporyndaǵy jumys ornynda, ashaly arbada, júkterdi tasymaldaýǵa qyzmet etetin qurylǵyda jumys isteý kezinde jaraqat alǵanyn anyqtady.