«Qazaqtelekom» AQ men «Kóliktik servıs ortalyǵy» AQ qarajatyn asa iri mólsherde jymqyrý faktileri boıynsha sotqa deıingi tergeý júrgizildi, dep habarlaıdy Egemen.kz.
Sybaılas jemqorlyqqa qarsy qyzmettiń málimetinshe, is boıynsha bes kúdikti tergeýden ótti. Olardyń bireýi qamaýda bolsa, ekeýi úıqamaqta.
Tergeý barysynda zańsyz satyp alynǵan aktıvter men aıyptalýshylardyń jalpy somasy 240 mlrd teńgeden asatyn aqshalaı qarajaty memleketke qaıtaryldy.
Qaırat Satybaldyulyna qatysty salyq jáne keden tólemderin tóleýden jaltarý, qylmystyq kiristerdi zańdastyrý faktileri boıynsha qylmystyq ister qosymsha tergelýde.
Aıyptalýshylardyń basqa zańsyz aktıvterin izdeý ári qaraı jalǵasatynyn aıta ketý kerek.