«Ashyq NQA» portalynda «2023-2025 jyldarǵa arnalǵan respýblıkalyq bıýdjet týraly» zań jobasy jarııalandy. Qazir joba qoǵamdyq talqylaýda, ol 8 qyrkúıekke deıin qaralady, dep habarlaıdy Egemen.kz.
Portal málimetine sáıkes 2023 jylǵy 1 qańtardan bastap:
Eń tómengi jalaqy – 60 000 teńge;
Aılyq eseptik kórsetkish (AEK) – 3450 teńge (áleýmettik tólemder men ósimpuldardy, sondaı-aq salyqtar men basqa da tólemderdi esepteý úshin);
Memlekettik bazalyq zeınetaqy tóleminiń eń tómengi mólsheri – 21 907 teńge;
Eń tómengi zeınetaqy – 53 076 teńge;
Budan basqa, qujatqa sáıkes, jasyna baılanysty zeınetaqy tólemderine jáne eńbek etken jyldary úshin zeınetaqy tólemderine baǵyttalǵan qarajat onyń mólsheriniń 2023 jylǵy 1 qańtardan bastap 10,5 paıyzǵa artýyn eskere otyryp belgilenedi.
Sondaı-aq ÁMSQ-ǵa tólenýge jatatyn mindetti áleýmettik medısınalyq saqtandyrýǵa memleket jarnalarynyń mólsheri memlekettiń jarnalaryn esepteý obektisiniń 1,8 paıyzyna teń.