Konstıtýsııa kúni qarsańynda Nur-Sultan qalasy ákimdiginiń «№2 kópbeıindi qalalyq balalar aýrýhanasynyń» qyzmetkerlerine Birikken Ulttar Uıymynyń arnaıy medali tabystaldy, dep habarlaıdy Egemen.kz elorda ákimdiginiń saıtyna silteme jasap.
Sonymen qatar qyzmetkerler densaýlyq saqtaýǵa qosqan úlesi úshin «AMANAT» partııasynyń alǵys hattarymen marapattaldy.
«Ata Zań – elimizdegi barlyq quqyqtyq qatynastardy retteıtin mańyzdy qujat. Elimizde 5 maýsym kúni referendým ótkizilip, zańnyń 33-babyna kóptegen mańyzdy prosesterdi retteıtin 60-qa jýyq túzetý engizildi. Konstıtýsııa kúni qarsańynda biz medısına salasynyń qyzmetkerlerin quttyqtap, olardyń eńbegin erekshe atap ótkimiz keldi. Úzdik qyzmetkerler alǵys hattarmen marapattaldy. Aq halatty abzal jandardyń jumysy laıyqty baǵalanýy kerek dep esepteımin», dedi «AMANAT» partııasy qalalyq fılıalynyń memlekettik basqarýdy damytý jáne sybaılas jemqorlyqqa qarsy is-qımyl jónindegi Qoǵamdyq Keńesiniń tóraǵasy Vladımır Savkın.
Sonymen qatar, «Mereke» qaıyrymdylyq qorynyń qatysýymen «Mektepke jol» aksııasy aıasynda aýrýhana qyzmetkerleriniń (dárigerler, medbıkeler, sanıtarlar) oqýshy balalaryna arnalǵan oqý quraldary bar sómkeler tapsyryldy. Olardyń arasynda kópbalaly otbasylar, jalǵyz basty analar, sondaı-aq múmkindigi shekteýli balalardy tárbıelep otyrǵan januıalar bar.