Taldyqorǵanda kópqabatty úıdiń janynan 23 jastaǵy qyzdyń máıiti tabyldy, dep habarlaıdy Egemen.kz Polisia.kz saıtyna silteme jasap.
25 tamyz kúni keshkisin Taldyqorǵandaǵy qurylysy aıaqtalmaǵan kópqabatty úıdiń janynan jas qyzdyń máıiti tabylǵany habarlandy. Polıseıler marqumnyń 23 jastaǵy jergilikti turǵyn ekenin anyqtady.
«Boljam boıynsha, boıjetken bıikten sekirip, ózine qol jumsaǵan. Ony ózine qol jumsaýǵa ıtermelegen mán-jaılar men sebepter anyqtalyp jatyr», delingen habarlamada.
Atalǵan fakti boıynsha QR Qylmystyq kodeksiniń 105-baby «О́zin-ózi óltirýge ıtermeleý» boıynsha sotqa deıingi tergeý bastaldy.