Mańǵystaýda jer qoınaýyn paıdalanýshylarǵa 70 mıllıon teńge aıyppul salyndy. Bul týraly oblystyq prokýratýradan málim etti, dep habarlaıdy Egemen.kz.
«Mańǵystaý oblysynyń mamandandyrylǵan tabıǵatty qorǵaý prokýratýrasy júrgizgen taldaý nátıjesinde keıbir jer qoınaýyn paıdalanýshylardyń qorshaǵan ortaǵa emıssııaǵa tıisti ruqsatsyz munaı men ilespe gazdy óndirý jumystaryn júrgizgenin anyqtady», delingen habarlamada.
Jer qoınaýyn paıdalanýshylar QR ÁQBtK-niń 328-babynyń 1-bóligi (Qorshaǵan ortaǵa jol beriletin antropogendik áser etý normalaryn buzý) boıynsha 70 mln teńgeden astam somaǵa jaýapkershilikke tartyldy.
Prokýratýra Mańǵystaý oblysy boıynsha ekologııa departamentiniń mekenjaıyna prokýrorlyq qadaǵalaý aktisi engizilgenin atap ótti.