ShQO turǵyny tanystarynyń atyna 22 mln teńgege jýyq taýarlyq nesıe rásimdegen, dep habarlaıdy Egemen.kz.
22 shilde kúni О́skemen qalasynyń Polısııa basqarmasy Úlbi polısııa bólimine alaıaqtyq áreketteriniń qurbany bolǵan oblys ortalyǵynyń 23 jastaǵy turǵyny aryzben júgindi. Birshama ýaqyttan keıin qalanyń taǵy úsh turǵyny kómek surap polısııaǵa júgingen. Olardyń problemasy birdeı ekeni anyqtaldy.
23 jastaǵy qala turǵyny iri saýda úıleriniń birinde aqshalaı kómek kórsetemin degen jeleýmen, jábirlenýshiniń atyna qymbat smartfondar men smart-saǵattar resimdegen. Jedel-izdestirý sharalaryn júrgizý nátıjesinde krımınaldyq polısııa qyzmetkerleri kúdiktini anyqtap, qolǵa túsirdi.
Jaýap alý barysynda er adam óz kinásin moıyndady. Jábirlenýshiler buryn kúdiktimen tanys bolǵany anyqtaldy. Kúdikti óziniń senimdi qylmystyq syzbasyna sáıkes, jábirlenýshiniń atyna taýarlyq nesıe resimdep, barlyq qaryzdy ózim ótep otyramyn dep sendirgen.
Qazirgi ýaqytta tergeý 23 jastaǵy er adamnyń 28 uqsas alaıaqtyqqa qatysy bar ekenin anyqtady. Al zalaldyń aldyn ala somasy shamamen 22 mln teńge.