Emhanalar deńgeıinde kórsetiletin medısınalyq kómektiń kólemi jyl saıyn artyp keledi. 2022 jyldyń 4 aıynda beıindi mamandar 97 mlrd teńgeni quraıtyn 54,6 mln konsýltasııa men dıagnostıkalyq zertteýler qyzmetin kórsetti. Bul – ótken jyldyń sáıkes kezeńimen salystyrǵanda 1,6 esege kóp.
MÁMS júıesin engizý medısınalyq kómekti qarjylandyrý kólemin eki ese arttyrýǵa múmkindik berdi. 2022 jyly TMKKK jáne MÁMS paketterin qamtamasyz etýge 2 trln-nan astam teńge baǵyttaldy. Bul rette bıyl medısınalyq kómekti satyp alý josparynda ambýlatorııalyq-emhanalyq jaǵdaıdaǵy konsýltasııalyq-dıagnostıkalyq qyzmetterge qarjylandyrýdy ótken jylǵy 186 mlrd teńgeden 283 mlrd teńgege deıin ulǵaıtý kózdelgen.
4 aıda beıindi mamandardyń 54,6 mln konsýltasııasy men dıagnostıkalyq zertteýleri 97 mlrd teńge somasyna kórsetildi. Onyń ishinde qymbat tekserýler (KT, MRT, PET) boıynsha 510 myńnan astam qyzmet kórsetildi.
«Pasıentterdiń konsýltasııalyq-dıagnostıkalyq qyzmetterdi alý kezindegi máselesi – beıindi mamandardyń qabyldaýyn kútý, dıagnostıka men taldaýǵa jiberý uzaqtyǵy. Josparly medısınalyq kómek pasıenttiń ómirine qaýip tóndirmeıtin aýrýlar men jaǵdaılar kezinde kórsetiletinine jáne sál keıinge qaldyrý pasıenttiń jaı-kúıiniń nasharlaýyna ákep soqpaıtynyna qaramastan, pasıent konsýltasııalyq nemese dıagnostıkalyq qyzmetti 10 kúnnen artyq kútpeýge tıis. Bul monıtorıng erejelerimen bekitilgen. Medısınalyq saqtandyrý qorymen shart jasaı otyryp, medısınalyq qyzmetterdi kórsetetinder tolyq kólemde tıesili kómekti usynýǵa mindetteme alady jáne bul kómektiń qoljetimdiligi men sapasy jaýapty bolady», dedi Áleýmettik medısınalyq saqtandyrý qorynyń Medısınalyq kómektiń sapasyn baǵalaý departamentiniń dırektory Lazzat Shomanova.
Eger medısınalyq uıymda bekitilgen halyqqa derbes jáne ýaqtyly medısınalyq qyzmet kórsetý múmkindigi bolmasa, ol qordyń basqa da qyzmet kórsetýshileri qatarynan birlesip oryndaýshyny tartýǵa mindetti. Búgingi tańda bazada 2 myńnan astam áleýetti oryndaýshylar bar.
Qarjylandyrýdyń aıtarlyqtaı ósýi esebinen júıege jańa medısınalyq qyzmet kórsetýshilerdiń kelýi qamtamasyz etiledi. Qormen shart jasasqan 1 426 medısınalyq uıymnyń 744-i (52%) – jekemenshik nysanyndaǵy klınıkalar.