Túrkııa Respýblıkasynyń Syrtqy ister mınıstrligi Túrki akademııasy ashqan jańalyqqa qatysty málimdeme jasady, dep habarlaıdy Egemen.kz akademııanyń baspasóz qyzmetine silteme jasap.
«Túrkııa Respýblıkasynyń Syrtqy ister mınıstrligi Túrki akademııasyn Mońǵolııada júrgizgen Nomǵon ǵylymı ekspedısııasynyń nátıjesinde tapqan qundy tarıhı oljasymen quttyqtady. SIM hatynda jańadan tabylǵan Elteris Qutlyq qaǵannyń kesheni men jazýyn ǵasyr jańalyǵy dep joǵary baǵa berdi. О́z kezeginde Túrki akademııasy Túrkııa SIM jyly lebizi men qoldaýy úshin zor rızashylyǵyn bildiredi», dep jazylǵan habarlamada.