Memleket basshysynyń ókimimen Asqar Qýanyshuly Omarov Qazaqstan Respýblıkasynyń Prezıdenti janyndaǵy «Ortalyq kommýnıkasııalar qyzmeti» respýblıkalyq memlekettik mekemesiniń dırektory laýazymyna taǵaıyndaldy, dep habarlaıdy Egemen.kz Prezıdenttiń baspasóz qyzmetine silteme jasap.
Sondaı-aq Asqar Qýanyshuly Omarov Qazaqstan Respýblıkasynyń Aqparat jáne qoǵamdyq damý mınıstri laýazymynan bosatyldy.
Asqar Qýanyshuly Omarov 1976 jyly Almatyda týǵan. Turan ýnıversıtetin bitirgen.
Mamandyǵy boıynsha biliktiligi: halyqaralyq ekonomıkalyq qatynastar.
Eńbek jolyn 1996 jyly jekemenshik kompanııada týrısterdi jóneltý bóliminiń kómekshisi bolyp bastady.
1997-1998 jj. — «Mádenıet máseleleri jónindegi respýblıkalyq ǵylymı ortalyqtyń» áleýmettik-ekonomıkalyq máseleler bóliminiń jetekshi mamany.
1998-1999 jj. — «Qazaqstannyń shaǵyn bıznesi» jýrnalynda marketıng jónindegi maman.
2001-2005 jj. — «Novostı nedelı» RG» JShS tilshisi.
2005-2006 jj. — Qazaqstan RTRK AQ – Astana TRO fılıaly Aqparattyq-taldaý baǵdarlamalary dıreksııasynyń Almaty bıýrosynyń bas redaktory.
2007-2010 jj. — jeke kompanııalarda basshylyq qyzmetterdi atqardy.
2011-2013 jj. — «Túrki akademııasy» KEAQ vıse-prezıdenti.
2013-2014 jj. — jeke uıymnyń kreatıvti dırektory.
2014-2015 jj. — «Astana EKSPO-2017» UK» AQ basqarýshy dırektory.
2016-2017 jj. — qoǵamdyq qordyń prezıdenti.
2017-2021 jj. — «QazAqparat» HAA JShS bas dırektory.
Asqar Qýanyshuly 2017 jyldan 2021 jyldyń tamyzyna deıin «QazAqparat» halyqaralyq aqparat agenttigi» AQ Basqarma tóraǵasy boldy .
2021 jyldyń tamyzynan 2022 jyldyń qańtaryna deıin Aqparat jáne qoǵamdyq damý vıse-mınıstri bolyp jumys istegen.
2022 jyly 11 qańtarda Asqar Omarov Aqparat jáne qoǵamdyq damý mınıstri bolyp taǵaıyndalǵan bolatyn.