Tótenshe jaǵdaı mınıstri Iýrıı Ilın Qostanaı oblysy Áýlıekól aýdanyndaǵy orman órti jaıly aqparatpen bólisti, dep habarlaıdy Egemen.kz.
«Orman sharýashylyǵyna tıesili 106 myń gektar orman qorynyń 43 myń gektar aýmaǵyn órt shaldy. 8 jerde órt áli de laýlap tur. Bul ýchaskelerde órttiń órship ketý qaýipi bar. Jalynnyń eldi mekenderdegi turǵyn úılerge taralýyn boldyrmaý úshin úsh jaýyngerlik ýchaske quryldy. Orman alqabyndaǵy órtti sóndirý úshin qosymsha áýeden sý tógetin qondyrǵymen jabdyqtalǵan tikushaqtar tartylady. Qazirgi ýaqytta úsh áýe kemesi órtti sóndirýge kómektesip jatyr», dedi mınıstr.
Sondaı-aq ol órtten 1 adam qaza tapqanyn málimdedi.