Qostanaı oblysynda úıleri órtenip ketken otbasylarǵa Halyk Bank-ten 1 mln teńge beriledi. Bul jóninde banktiń baspasóz qyzmeti áleýmettik jelilerdegi resmı paraqshalarynda habarlady.
Resmı aqparatta Halyk Bank-tiń Qostanaı oblysyndaǵy alapat órt kezinde úıleri kúlge aınalǵan ár otbasyǵa 1 mln teńge kóleminde qarjylaı kómek kórsetiletindigi jóninde aıtylǵan. «Bul qarjyny baspanalarynan aıyrylǵan adamdar kúsh jınap, eń qajettisi – turǵyn úıdi jalǵa alýǵa, kıim-keshek, tamaq jáne qajetti taýarlar satyp alýǵa jumsaýǵa múmkindik alady» delingen habarlamada.
Sonymen qatar bank basshylyǵy janyp ketken úılerdiń barlyq ıesine Halyk Bank-tegi qoldanystaǵy kredıtterdi jabý týraly sheshim qabylda- dy.
Bank basshylyǵy men ujymy Ozernoe, Lesnoe, Amanqaraǵaı aýyldarynyń órt saldarynan zardap shekken barlyq turǵynyna janashyrlyq tanytyp, olardyń ómirleri jaqyn arada úırenshikti qalypqa keledi degen úmitte.