Qazaqstandyqtar dári-dármektiń shekti bólshek baǵasyn teksere alatyn bolady. Sıfrlyq ekonomıkany damytý ortalyǵy ázirlegen Naqty Onim qosymshasynda tutynýshy dári-dármektiń shekti bólshek saýda baǵasy, dáriniń quramy men dozasy, sondaı-aq dári-dármektiń jetkizilý marshrýty týraly aqparatqa qol jetkize alady.
Eske sala keteıik, bıyl shilde aıynan bastap Qazaqstanda azamattardy jalǵan jáne zańsyz ákelinetin dárilerden qorǵaıtyn dárilik zattardy kezeń-kezeńimen mindetti sıfrlyq tańbalaý engizildi. Shekti baǵalardy negizsiz ósirgeni úshin Zań lısenzııanyń qoldanylýyn toqtatýdy qosa alǵanda, ákimshilik jaýapkershilikti kózdeıdi. Sońǵy eki jylda Qazaqstanda jalǵan dári-dármektiń 700-ge jýyq deregi tirkelgen.
Qazaqstanda dárilik zattardy sıfrlyq tańbalaýdy engizý dári-dármek baǵasynyń negizsiz ósýine jol bermeýge baǵyttalǵan. Dárilik zattardyń shekti bólshek saýda baǵasy jylyna eki ret belgilenedi. Qazaqstanda tirkelgen dárilerdiń qunyna qatysty shekti qunnyń ózgerýi týraly aqparat Densaýlyq saqtaý mınıstrliginiń Farmasııa komıtetiniń, Dárilik zattardy saraptaý ulttyq ortalyǵynyń veb-saıttarynda jáne Farmasııa jáne densaýlyq saqtaý komıtetiniń aýmaqtyq departamentteriniń resýrstarynda ornalastyrylady. Dári-dármekterge dıetalyq qospalar, veterınarlyq preparattar, náreste formýlalary, kosmetıka kirmeıdi.