«Qazqutqarý» jattyǵýy bastaldy

Keshendi taktıkalyq oqý-jattyǵýlar izdestirý jáne ava­rııalyq-qutqarý jumys­taryn júrgizý daǵdylaryn jetildirý, avarııalyq-qutqarý quraldary men tehnıkasyn paıdalanýdyń ozyq ádisterin meńgerý, izdestirý-qutqarý jumystaryn júrgizý tájirıbesimen almasý, jarysqa qaty­sýshylardyń kásibı daıar­ly­ǵyn jetildirý jáne dene daıar­lyǵyn tekserý maqsatynda ótki­ziledi.

Jarys «Tehnogendi apattar jaǵdaıyn­daǵy izdestirý-qutqarý jumys­tary», «Ak­vatorııadaǵy izdestirý-qutqarý jumys­tary», «Tabıǵı orta jaǵdaıyndaǵy iz­des­tirý-qutqarý jumystary», «Or­tasha qı­y­­lysqan jerler boıynsha komandalyq estafeta» jáne «Beltemirdegi keshendi kúshtik jattyǵý» 5 dıstansııalarynan ótýdi qamtıdy.

Tótenshe jaǵdaılardy joıý depar­­tamentiniń bas­shy­sy Qahar­­man Orazalınniń basshy­lyǵymen ótken jarystyń saltanatty ashy­­lýyna Almaty oblysy ákimi, qut­qarý bólimsheleri, son­daı-aq mınıstrliktiń azamat­tyq qor­ǵanys áskerı bólimde­riniń áskerı qyzmetshi-qutqarý­shy­la­ry­nyń komandalary qa­tysty.

Jarystyń birinshi kúni qa­tysýshylar «Oıly-qyrly jerler boıynsha komandalyq estafeta» qutqarý kópsaıysy boıynsha qashyqtyqtardan ótti. TJM je­del-qutqarý jasaqtary arasynda qutqarýshylardyń úzdik komandalaryn, sondaı-aq tabıǵı jáne tehnogendik sıpattaǵy tó­tenshe jaǵdaı­larǵa tán keder­gileri bar qa­shyqtyqtardy ótý barysynda úzdik shyqqan aza­mattyq qorǵanys áskerı bólim­deriniń áskerı qyzmetshi-qut­qarýshylar komandalaryn kóp­saıys boıynsha jarystardyń bas tóreshiler alqasy anyqtaıdy.

Sondaı-aq Halyqaralyq aza­mat­tyq qorǵanys uıymy­nyń qoldaýy­men Qyr­ǵyz Res­­­pýb­­lıkasy, Tájik­­stan Res­pýb­­lı­ka­sy, Reseı Federa­sııasy jáne О́z­bekstan Respýb­lıkasy tóten­she vedomstvolarynyń kınolo­gııa­lyq qyzmetteri úshin sheberlik tre­nıng ótkiziledi.

Budan basqa, tótenshe jaǵ­daı­lardy joıý aýmaqtyq bas­qar­malary men bólimderiniń bas­shylary arasynda oqý-ádis­temelik semınar ótkizý jospar­lan­ǵan. Jarys qorytyndysy 17 qyr­kúıekte shyǵarylady.