Abaı oblysynda qyzmettik boryshyn oryndaý kezinde qaza tapqan órt sóndirýshi Aıdos Toǵyzbaevtyń otbasyna úsh bólmeli páter beriledi, dep habarlaıdy Egemen.kz Abai Aqparat saıtyna silteme jasap.
Jergilikti BAQ-tyń málimetinshe, «Fırma Azııa» JShS marqumnyń otbasyna «Qaraǵaıly» shaǵynaýdanynan úsh bólmeli páter beredi.
Eske sala keteıik, Aıdos Toǵyzbaev Jarma aýdanynyń Bojyǵur aýyldyq okrýgi Birinshi aýylynyń ýchaskesindegi órt sóndirý jumystary kezinde jaraqat alǵan. Ol jaraqatynan aýrýhanada kóz jumdy.
Qyzmettik boryshyn oryndaý kezinde kórsetken batyldyǵy men janqııarlyq erligi úshin azamattyq qorǵaý serjanty Aıdos Erulanuly Toǵyzbaev qaza tapqannan keıin III dárejeli «Aıbyn» memlekettik nagradasyna usynyldy.